Vəsiyyət

Vəsiyyət
 

Vəsiyyət

Firuz Mustafa

Mənə yer üzündə məzar gəzməyin,
Məni mən öləndə göydə basdırın.
Bir qarış göy üzü məni gözləyir,
Göylərdə axtarın məni, dostlarım.

Qoy udsun buludlar məni, qardaşım,
Sancılım səmaya meteor kimi.
Ay tabutum olsun, Günəş-başdaşım,
Ulduzlar üstümə yağsın qar kimi.

Məni göy üzündə dəfn edin, atam,
Günahla doludur torpağın üzü.
Vallah, yer üzünə mən tamam yadam,
Vallah, bu dünyaya alışmır gözüm.

Yəqin ki, göylərin yoxdu namərdi,
Oranın nə səddi, nə sərhəddi var.
Orda məzar dərdi, başdaşı dərdi,
Nə də kəfən dərdi, molla dərdi var.

Orada mələklər qonar qəbrimə,
Orda şeytanlardan qisas alaram.
Orada şeytanlar girməz qəlbimə,
Tanriya bir az da yaxın olaram.

F.M.    Paralel.az

0.078797817230225