“Vətəndaş Müqaviləsi” partiyasından olan deputat Vigen Xaçatryan ötən gün bildirib ki, “Ermənistanın gələcəyini "Artsax" şərtləndirir” ifadəsi səhvdir və bu, artıq xəyanətdir.
Paralel.az erməni mediasına istinadən xəbər verir ki, bunu oktyabrın 26-da jurnalistlərə müsahibəsində “Ermənistan” blokundan olan deputat Qeqam Manukyan Parlament Təhlükəsizlik Xidmətinin əməkdaşlarının onu məhkəmə zalından çıxardığı insidenti şərh edərkən bildirib.

Ötən gün hamı ilə işləmiş Vigen Xaçatryan bəyan edib ki, “Ermənistanın gələcəyini "Artsax" müəyyən edir” ifadəsi səhvdir. Biz düşünməliyik: "Artsax"da yaşayanlar Azərbaycan daxilində təhlükəsiz olacaqlar, ya yox? Paşinyanın üzünə dedim ki, torpaq verən xaindir, bundan sonra da deyəcəyəm, çünki bu, mənim əqidəmdir.

Bir söz mümkündür, başqa söz isə mümkün deyil - Vətənimizi itirəndən sonra artıq belə düsturlar qalmayıb. Bütün qırmızı xətləri keçdilər. 30 il əvvəl xaçaturyanlardan, vigenyanlardən fərqli olaraq Azadlıq Meydanında dayanan, ölmüş yoldaşlarımızın, minlərlə vətəndaşımızın adından "Artsax" uğrunda vuruşan istənilən ağıllı insan, o cümlədən mənim həmyaşıdlarım desin, bu xəyanət deyilsə, bəs nədir. İstənilən bir ermənidən soruşun, "Artsax"dan imtina edən adamı necə adlandırmaq olar? Əlbəttə, xəyanətkar ”, - Manukyan dedi.
Akif Nəsirli