Paralel.az xəbər verir ki, Amerika Ürək Dərnəyinin hipertoniya jurnalında bu gün nəşr olunan bir araşdırmaya görə, təzyiq diaqnozu qoyulan yaşlıların beyni daha kiçikdir və demans inkişafı çox yüksəkdir. Tədqiqatçılar erkən yaşda diaqnoz qoyulan yüksək təzyiqin beyin quruluşuna təsir etdiyini və demans riskini artırdığını araşdırıblar. Onlar normal qan təzyiqi olan yaşlı insanlarla müxtəlif yaşlarda hipertəzyiq diaqnozu qoyulanların beyin həcmini müqayisə ediblər. Nəticələr göstərib ki, 55 yaşından əvvəl diaqnoz qoyulan yüksək təzyiq xəstələrinin beyni normal qan təzyiqi olan insanlara nisbətən daha kiçikdir.

Beyində qan axınının pozulması nəticəsində ortaya çıxan damar demansının inkişaf riskinin

yüksək təzyiq diaqnozu qoyulanlarda 45 faiz daha yüksək olduğu ortaya çıxıb. Müəlliflər gənc yaşda yüksək təzyiqi nəzarətdə saxlamaq və ya onu gecikdirmək üçün tədbirlər görməyin demans riskini azalda biləcəyini də söyləyirlər.

Nigar