Paralel.az xəbər verir ki, erməni deputatı, müdafiə məsələləri komissiyasının rəhbəri Andranik Köçəryan Azərbaycanla sülh müqaviləsinin elementləri ilə bağlı mətbuatda yayılan məlumatları təsdiq və təkzib edə bilməyib: “Bu məlumatı nə təsdiq, nə də təkzib edə bilərəm. Ancaq atəşkəsdən sonra bu mövzuda məsləhətləşmələr aparılır. Biz gərginliyi azaltmaq və sülhü möhkəmləndirmək prosesini geridönməz hala gətirməliyik”.

Onun fraksiya həmkarı Artur Ovannisyan öz növbəsində bəyan edib ki, hakim qüvvə danışıqlar prosesi ilə bağlı bu və ya digər etibarlı faktı cəmiyyətdən gizlətməyəcək. Bakı ilə demarkasiya və delimitasiya ilə bağlı danışıqların niyə sovet xəritələri əsasında davam etdiyi barədə jurnalistlərin sualına isə Köçəryan belə cavab verib: “Deyirlər ki, başqa hansı xəritələrdən istifadə etmək lazımdır. Kartları tanımayaq. Azərbaycan deyəcək ki, bura mənim ərazimdir, biz deyəcəyik ki, mənimdir. Amma bu, çıxılmaz vəziyyətdir. Bir növ sərhədi əsas götürüb danışıqlara başlamalıyıq”.

Erməni mətbuatı isə yazır ki, Azərbaycan tərəfi ilə Moskvada danışıqlar aparılıb və bu müddət ərzində gələcək sənədin detalları barədə razılığa gəlmək mümkün olub: “İrəvan ümumilikdə nəticədən razı qalıb. Sovet İttifaqı xəritələri çərçivəsində Dağlıq Qarabağın heç bir statusu müəyyən edilmədən demarkasiya və delimitasiya prosesinin başlanması

barədə razılığa gəlmək, Rusiya tərəfinin varlığını qeyri-müəyyən müddətə - 5 il məhdudiyyət olmadan uzatmaq mümkün idi. Sünikdən keçən yola gəlincə, tərəflər həmçinin Rusiya və Ermənistan sərhədçilərinin nəzarətində olacaq tranzit marşrut (Azərbaycan Naxçıvanla quru əlaqəsi qurmaq istəyir.mətbuat.) barədə razılığa gəliblər. Sərhəd keçid- məntəqələri quraşdırılacaq, azərbaycanlılar bu yolda gediş haqqı ödəyəcək. Hətta müəyyən bir rəqəmin, hər il 150 milyon dolların olduğu da deyilir”.

Nigar