Paralel.az RİA Novosti-ya istinadən xəbər verir ki, Putinlə danışıqlar zamanı Almaniya kansleri Merkelin telefonuna zəng gəlib. Telefon zəngi Rusiya prezidenti Vladimir Putin ilə Almaniya kansleri Angela Merkel arasında Kremldə baş tutan görüşün əvvəlində gözlənilmədən gəlib. Sonda məlum olub ki, Almaniya hökumətinin başçısı cib telefonunu söndürməyi unudub.

Telefon zəngi Rusiya liderinin salamlama nitqi zamanı eşidilib. İlk anda heç kimin necə reaksiya verəcəyi bilinmirdi. Ancaq sonra telefonu söndürmədiyini xatırlayan Merkel onu cibindən çıxararaq, açıq şəkildə söndürüb. Putin isə bu hadisəyə əhəmiyyət vermədən çıxışına davam etdib.

Almaniya kansleri Angela Merkel hökumət başçısı statusunda Rusiyaya son səfəri ilə  20 avqustda Moskvaya gəlib. Sentyabrda Almaniyada Angela Merkelin iştirak etməyəcəyi Bundestaqa seçkilər keçiriləcək. Merkel Rusiya prezidenti Vladimir Putinlə görüşdən sonra - avqustun 22-də Kiyevə səfər edəcək. Səfər zamanı müzakirə ediləcək məsələlər arasında iqtisadiyyat, enerji, təhlükəsizlik və aktual beynəlxalq problemlər var.

Böyük Kreml Sarayının yaşıl salonunda dar formatda danışıqlar aparılııb. Söhbətdə Putin və Merkeldən başqa xarici işlər naziri Sergey Lavrov, Rusiya Federasiyası prezidentinin köməkçisi Yuri Uşakov da iştirak edib. Danışıqlarda Almaniya tərəfdən Dövlət Katibi, AFR hökumətinin rəsmi nümayəndəsi Steffen Seibert və AFR Kansleri Departamentinin xarici siyasət və təhlükəsizlik siyasəti qrupunun rəhbəri Uta Christina Beinhoff iştirak edib.

Dövlət rəhbərlərinin salamlama nitqindən sonra danışıqlar mətbuata qapalı şəraitdə davam edib.

bu situasiyaya heç bir məhəl qoymayaraq, nitqini davam etdirib.

Akif Nəsirli