Kabil hava limanından havaya qalxan Amerika təyyarəsindən yerə düşən 5 nəfərdən biri gənclərdən ibarət milli futbol komandasının oyunçusu 19 yaşlı Zəki Ənvəri olub.

Paralel.az "The Guardian"a istinadla xəbər verir ki, "C-17" təyyarəsindən təkərindən yapışmağa çalışmış 19 yaşlı futbolçunun ölümünü Əfqanıstan Bədən Tərbiyəsi və İdman Baş İdarəsi də təsdiqləyib.

"Milli komandanın gənc futbolçularından Zəki Ənvərinin dəhşətli bir qəzada öldüyü barədə məlumatı aldığımız üçün çox təəssüflənir və kədərlənirik.

Ənvəri yüzlərlə digər gənc həmvətənləri kimi ölkəni tərk edib Amerikada daha yaxşı bir gələcək" axtarışı ümidində idi", - deyə Baş İdarənin açıqlamasında bildirilib.