Paralel.az "Associated Press"-ə istinadən xəbər verir ki, İtalyan poçt işçiləri Papa Fransiskə göndərilən, içində üç güllə olan məktubu ələ keçirib.

Şübhəli zərf avqustun 8-dən 9-a keçən gecə Milan ətrafındakı bir poçt-çeşidləmə məntəqəsində ələ keçirilib. Məktub Fransadan göndərilib. Milan hüquq-mühafizə orqanları araşdırmalara başlayıb.

Zərfdə üzərinə əllə belə yazılıb: "Papa, Vatikan, Müqəddəs Pyotr Meydanı, Roma". Məktubda üç tapança gülləsi və Vatikandakı maliyyə əməliyyatları ilə bağlı ehtimal edilən bir mesaj olub.

Vatikan nümayəndələri vəziyyəti heç bir şəkildə şərh etməyiblər.

Akif