Parael.az xəbər verir ki, Çin Xarici İşlər Nazirliyinin sözçüsü Cao Lician mətbuat konfransında Covid-19 epidemiyası ilə əlaqədar sualları cavablandırıb. Türkiyə mətbuatına görə, o, ABŞ-ı bu mövzuda tənqid edib. C.Lician ABŞ-ı epidemiyaya şəffaf və məsuliyyətli bir yanaşma tətbiq etməyə, ÜST mütəxəssislərini 1943-1969-cu illərdə ABŞ-ın bioloji silah proqramının mərkəzi olan Fort Detrik laboratoriyasına dəvət etməyə, istintaqın mənbəyi araşdırmasına imkan verməyə çağırıb. ABŞ-ı ən çox Covid-19 xəstəliyinə və ilk mərhələdə çox sayda insana yoluxan ölkə olaraq diqqət çəkən Cao deyib: “ Laboratoriyalarda araşdırmalar aparacaqsa, ÜST Fort Detrikə getməlidir”.

Bundan başqa, Çin tərəfi ÜST-ün Covid-19-un mənşəyi ilə bağlı ikinci mərhələ planını qəbul etməyəcəyini bildirib. Çin Milli Səhiyyə

Komissiyası nazirinin müavini Zing Yishin Covid-19-un mənşəyi ilə bağlı istintaqın ikinci mərhələsində virusun bir çinlidən sızdığı ehtimalının araşdırılmasını da əhatə etdiyinə “olduqca təəccübləndiyini” söyləyib.

ÜST-ün baş direktoru Tedros Adhanom Ghebreyesus Çini epidemiyanın erkən mərhələlərində şəffaflığını artırmağa və virusun mənşəyinin açılmasına kömək etmək üçün laboratoriyalarına daha çox giriş imkanı yaratmağa çağırıb. Qeyd edilib ki, epidemiyanın mənşəyi ilə bağlı istintaqın ilk mərhələsi fevral ayında başa çatıb. Əvvəllər virusun mənşəyi ilə bağlı istintaq tələbini rədd edən Çin artan beynəlxalq təzyiqlə ÜST heyətinin Uhan şəhərində araşdırmalar aparmasına icazə verib. Məlumata görə, ÜST ilk hadisələrin ortaya çıxdığı Çinin Uhan şəhərinə beynəlxalq alimlərdən ibarət heyət göndərmişdi. Nəzarət prosesi zamanı bəzi nümayəndə heyəti üzvləri Çin

səlahiyyətlilərinin epidemiyanın başlanğıcındakı ilk hadisələrlə əlaqədar öz xülasələrini və məlumat analizlərini verdiklərini, lakin digər məlumatları paylaşmaqdan imtina etdiklərini elan edib.

29 yanvarda başlayan çalışmalarda nümayəndə heyəti virusun qəza nəticəsində sərbəst buraxıldığına dair iddiaların mövzusu olan Uhan Viroloji İnstitutunda araşdırmalar aparıb. 2002-2003-cü illərdəki Kəskin Tənəffüs Sindromu (SARS) epidemiyasından sonra yarasa koronaviruslarının genetik məlumatları ilə bir arxiv yaratmaq üçün qurulan institutun Covid-19-un laboratoriyada süni şəkildə istehsal edildiyi və təsadüfən sərbəst buraxıldığı qeyd edilib.

Çinli səlahiyyətlilər iddiaları rədd edib və Covid-19-un başqa bir ölkədən qaynaqlandığı və ölkəyə idxal edilmiş dondurulmuş dəniz məhsulları ilə gəldiyinə dair sübut olunmayan əks iddialar irəli sürüb.

Nigar