Dövlət Sərhəd Xidmətinin rəisinin səlahiyyəti artırılır.

Paralel.az xəbər verir ki, bu, Prezident İlham Əliyevin bu gün imzaladığı fərmanla “Azərbaycan Respublikasının Dövlət Sərhəd Xidməti haqqında Əsasnamə”də edilən dəyişikliklə əksini tapıb.

Dövlət Sərhəd Xidmətinin rəisi Azərbaycan Respublikasının Prezidenti ilə razılaşdırmaqla, Azərbaycan Respublikası Vətən Müharibəsi Qəhrəmanlarının adlarını xidmət etdikləri sərhəd zastavalarına və digər sərhəd bölmələrinə verəcək.

Qeyd edək ki, Dövlət Sərhəd Xidmətinin rəisi Elçin Quliyevdir. 2017-ci ilin İyulun 5-də Elçin İsağa oğlu Quliyev yenidən Azərbaycan Respublikasının Dövlət Sərhəd Xidmətinin rəisi təyin edilib.