Bərdədə İcra nümayəndəsi Şatırlı kənd sakinlərinin örüş sahələrini mənimsəyib?
“Bir nəfərin yaxşı yaşaması üçün bir kənd batıb-getməlidir?”
Bərdənin Şatırlı kənd sakinləri icra nümayəndəsinin onların örüş sahələrini mənimsədiyini deyir. Kəndlilər deyir, 1998-ci ildən onlara 24 hektar örüş sahəsi verilsə də, indi mal-qaralarını otarmaq üçün 14 hektar verilir.
Qalan örüş sahəsini bələdiyyə icra nümayəndəsinin oğlu İsmayıl Bağırova 70 illiyə icarəyə verib. Kəndlilər deyir ki, mal-qaralarını örüş sahəsinə aparanda onları polis əməkdaşları qarşılayır.