Hamı yiyəsizdi, hamı -
Heç nəyin yiyəsi, yoxdu?!
Yoxdu bu yerin yiyəsi,
Bu göyün yiyəsi, yoxdu?!

Ağıllının yiyəsi yox -
Bu dəli də yiyəsizdi?!
Yiyəsi yoxdu Vəlinin,
Bu Əli də, yiyəsizdi?!

Hamı yiyəsizdi, hamı -
Bu baxtın yiyəsi, yoxdu?!
Bu sarayın yiyəsi yox,
Bu taxtın yiyəsi, yoxdu?!

Bu kimin dərdidi, kimin -
Hanı bu"dağ"ın yiyəsi?!
Ölüm saçır, qan qoxuyur
Hanı bu ÇAĞın yiyəsi?!

Hamı yiyəsizdi, hamı -
Bu ahın yiyəsi, yoxdu?!
Yiyəsi yoxdu günahın -
Sabahın yiyəsi, yoxdu?!

Yiyəsi yoxdu bu "dəb"in?!
Yiyəsi yoxdu bu "təb"in?!
Bağdadın yiyəsi yoxdu,
Yiyəsi yoxdu, Hələbin?!

Hanı bu andın yiyəsi?!
Hanı bu sözün, yiyəsi?!
Bu atəşin yiyəsi yox -
Hanı bu közün, yiyəsi?!

...Hamı yiyəsizdi, hamı -
Heç nəyin yiyəsi yoxdu?!
Yiyəsi yoxdu bu yerin -
Bu göyün yiyəsi yoxdu?!

Paralel.az