Dubaya uçan sərnişin uçuş zamanı təyyarənin pəncərəsindən İsrailə raket hücumunu lentə alıb.

Paralel.az Oxu.Az-a istinadən xəbər verir ki, görüntülər "Roof of TurDom" Telegram kanalında yayımlanıb.

Pəncərədən bir-birinin ardınca təyyarəyə nisbətən yaxın uçan bir neçə raketi görmək mümkündür. Təyyarənin dəqiq haradan uçduğu isə açıqlanmayıb.

Daha əvvəl isə Federal Hava Nəqliyyatı Agentliyinin (Rosaviasiya) İsrail, İran və İraq hava limanlarına və ya hava limanlarından uçuşlardan çəkinmək tövsiyəsi əsasında Rusiyanın bir neçə aviaşirkəti Moskva ilə BƏƏ arasında uçuşları təxirə saldığı məlumdur. Aviasiya səlahiyyətliləri bildiriblər ki, bölgədə mülki təyyarələr üçün təhlükəsizlik təhdidi mövcuddur.