2024-cü ilin yanvar-mart ayları ərzində Azərbaycanda nərə balığından hazırlanan qara kürünün həcmi açıqlanıb.

Bu barədə Dövlət Statistika Komitəsindən bildirilib.

2024-cü ilin ilk üç ayında Azərbaycan 103,1 kq nərə balığı kürüsü istehsal edib. Bu göstəricinin həcmi ötən ilin müvafiq dövrü ilə müqayisədə 26,4% və ya 36,9 kq azalıb. 2023-cü ilin yanvar-mart ayları ərzində ölkədə 140 kq qara kürü istehsal edilib.

Qeyd edək ki, bu ilin yanvar-fevral ayları ərzində Azərbaycandan 90 kq nərə balığının kürüsü ixrac edilib. Xaricə satılam qara kürünün orta ixrac qiyməti 1 142 ABŞ dolları (1 941 manat) təşkil edib.