Bern Universiteti və PlanetS Milli Planet Tədqiqat Mərkəzindən İsveçrə astronomları Plutonun səthində Tombo kimi tanınan nəhəng ürək formalı bölgənin necə yarandığını aşkar ediblər. 

Paralel.az  xəbər verir ki, tədqiqat "Nature Astronomy" (NatAstro) elmi jurnalında dərc olunub.

Plutonun "ürəyi" heterojendir. Onun qərb hissəsi - "Sputnik Planitia" təxminən 2,4 milyon kilometr ərazini əhatə edir ki, bu da Avropanın 1/4-nə bərabərdir. Bu bölgə planetin digər səthindən 3-4 kilometr hündürlükdə aşağıdır və ağ azotlu buzla doludur.

Tombonun şərq hissəsi oxşar, lakin daha nazik buz təbəqəsi ilə örtülüdür, mənşəyi hələ də bəlli deyil.

Komanda qeyri-adi bölgənin cırtdan planetlə nəhəng kosmik obyektin toqquşması nəticəsində yarandığıbı göstərən rəqəmsal simulyasiyalar həyata keçirib. Mütəxəssislərin qənaətinə görə, Plutonun mövcudluğunun əvvəlində diametri təxminən 700 kilometr olan müəyyən bir cisim ona tangensial trayektoriya ilə düşüb.

"Plutonun nüvəsi o qədər soyuqdur ki, daşlar çox sərt qalıb və zərbənin istiliyinə baxmayaraq ərimədi və təsir bucağı və aşağı sürət obyektin planetin içərisinə girməsinə mane olub", deyə aparıcı müəllif Dr. Harri Ballantine izah edib.

Alimlər hesab edirlər ki, asteroidin qalıqları hələ də Sputnik Planitia səthinin altındadır.(Qaynarinfo)