Rusiyada yüksək rütbəli əsgərlərin dəfn mərasimlərinin keçirildiyi Mərkəzi Hərbi Dairə Zabitlər Evində lentə alınan görüntülər gündəm olub. 

“Mail Online” xəbər verir ki, Rusiya ordusuna məxsus məkanda çox sayda insanın iştirakı ilə "cinsi əlaqə məclisi" keçirilib.

İnternetdə yayımlanan ağ-qara videolarda çılpaq, maskalı kişi və qadınların qamçı kimi aksesuarlardan istifadə etdiyi görünür.

300-dən çox üzvü olan “Blue Velvet” adlı qrupun əsas məqsədi bir araya toplaşmaq, soyunmaq, içki içmək və rəqs etməkdir.

Videonun sosial şəbəkələrə sızmasından sonra baş prokurorluğa çoxlu şikayətlər edildiyi məlum olub.

Yerli mətbuat orqanı “E1” məclisə qatılmaq üçün bilet qiymətlərinin 6 - 12 dollar arasında dəyişdiyini qeyd edib.