Türkiyə Mərkəzi Bankının rəhbəri inflyasiya ilə mübarizə aparacağına söz verib
Türkiyə Mərkəzi Bankının yeni rəhbəri Fatih Karahan rəhbəri olduğu qurumun artan inflyasiya ilə mübarizə aparacağını bildirib.
Bu barədə Türkiyə mətbuatı xəbər verir.
"Biz inflyasiya proqnozlarının pisləşməsinə qətiyyən imkan verməyəcəyik", - Karahan deyib.
O qeyd edib ki, tənzimləyicinin qarşısında duran mühüm vəzifə qiymət sabitliyini təmin etməkdir. Eyni zamanda, Karahan vurğulayıb ki, pul siyasəti inflyasiya hədəf səviyyəyə enənə qədər davam edəcək.