Sankt-Peterburqda "Wildberries" anbar kompleksində yanğın baş verib, yanğın sahəsi 50 min kvadratmetr ərazini əhatə edib.

Bu barədə Rusiya Fövqəladə Hallar Nazirliyi məlumat yayıb.

Yanğının söndürülüb.

Yanğının lokallaşdırılması üçün 112 xilasedici və 25 texnika cəlb olunub. Yanğının səbəbi hələlik məlum deyil.

"Wildberries" bildirib ki, şirkət rəhbərliyi bütün lazımi köməkliyi göstərir. “Malların dəyəri satıcılara ödəniləcək. Müştərilərə məlumat veriləcək”, - bazarın mətbuat xidmətindən bildirilib.

78.ru telekanalının məlumatına görə, yanvarın 10-da axşam anbar binası yaxınlığında miqrantlar arasında kütləvi dava baş verib. Nəticədə “Wildberries” şirkətinin əməkdaşı, 33 yaşlı Azərbaycan vətəndaşı xəstəxanaya yerləşdirilib. 35 yaşlı işsiz Tacikistan vətəndaşı da yaralanıb və ona qarşı cinayət işi açılıb. Bundan sonra, telekanalın məlumatına görə, anbarda iki gün dalbadal reydlər keçirilib: polis əməkdaşları və Rusiya Qvardiyasının əməkdaşları əməkdaşların sənədlərini yoxlayıblar.

Qeyd edək ki, "Wildberries"in yaradıcısı Rusiyanın ən varlı qadını Tatyana Bakalçukdur. Onun varidatı 7 mlrd dollar həcmində dəyərləndirilir.