Andhra Pradeş ştatında sərnişin qatarı digəri ilə toqquşub - VİDEO
Hindistanın Andhra Pradeş ştatında Vişaxapatnam-Palasa sərnişin qatarı arxadan Visakhapatnam-Raqada sərnişin qatarına çırpılıb.
"Paralel.az" Türkiyə mediasına istinadla xəbər verir ki, hadisə nəticəsində 10 nəfər həlak olub, 27 nəfər yaralanıb.
Qəzada 4 vaqon relsdən çıxıb.
Səlahiyyətlilər ilkin araşdırma çərçivəsində qəzanın insan səhvi nəticəsində baş verdiyini bildiriblər.
Qəza bölgəsində axtarış-xilasetmə işləri davam edir.
Xatırladaq ki, dünyanın dördüncü ən böyük qatar şəbəkəsinə sahib olan Hindistanda iyunun 2-də Odişa əyalətində 2 sərnişin qatarı və 1 yük qatarının qarışdığı qəzada 296 nəfər həlak olub.