Yapon alimləri manikür müalicəsinin qadınların psixi sağlamlığına təsirini araşdırıblar.

Lent.az xəbər verir ki, bu barədə araşdırma “Frontiers in Psychology” (FP) elmi jurnalında dərc olunub.

Mütəxəssislər bu ritualın insanların emosiyalarına, istirahətinə və ümumi rifahına necə təsir etdiyini anlamaq istəyiblər.
Məlum olub ki, dırnaq baxımı da makiyaj kimi qadınlara müsbət psixoloji təsir göstərir. İştirakçılar dırnaq baxımı seansları zamanı müsbət emosiyalar, istirahət və canlanma səviyyəsinin artdığını bildirdilər.

Tədqiqat müəyyən etdi ki, salon dırnaq ustalarından dırnaq baxımı xidmətləri alan insanlar öz dırnaqlarına qulluq edənlərlə müqayisədə daha çox müsbət emosiyalar və daha çox rahatlamalar bildirdilər.