Sumqayıt Ağır Cinayətlər Məhkəməsində arvadını bıçaqlayaraq öldürməkdə təqsirli bilinən Farik Mollayevin cinayət işi üzrə məhkəmə prosesi başa çatıb.

"Paralel.az" xəbər verir ki, hakim Aynur Rzayevanın sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə F. Mollayev 16 il 6 ay müddətinə azadlıqdan məhrum edilib.

Qeyd edək ki, hadisə Qusarın Piral kəndində baş verib.

Kənd sakini, 44 yaşlı Farik Pakiddin oğlu Mollayev həyat yoldaşı 34 yaşlı Oksana Minbər qızı Mollayevanı bıçaqlayaraq qətlə yetirib.

Məlumata görə, 17 bıçaq zərbəsi alan qadın elə hadisə yerində keçinib.

Cinayəti törətməkdə şübhəli bilinən Farik Mollayev polis əməkdaşları tərəfindən saxlanılıb.