“Azərbaycan dəfələrlə bəyan edib ki, şifahi bəyanat dövlətin mövqeyi sayıla bilməz. Yəqin ki, buna görə o da (Paşinyan nəzərdə tutulur-red) sənədi imzalamaq qərarına gəlib ki, heç bir şübhə olmasın”.

“Paralel.az” xəbər verir ki, bunu Ermənistan parlamentinin deputatı Hayk Mamicanyan oktyabrın 5-də Qranadada Avropa Siyasi Birliyinin 3-cü Sammiti çərçivəsində Nikol Paşinyan, Fransa prezidenti Emmanuel Makron, Almaniya kansleri Olaf Şolts və Avropa İttifaqı Şurasının prezidenti Şarl Mişel arasında dördtərəfli görüşdə Azərbaycanın ərazi bütövlüyünün tanınması ilə bağlı imzalanan sənədi şərh edərkən deyib.

Deputat bildirib ki, Prezident İlham Əliyev Qranada görüşə getmir, amma Paşinyan Azərbaycanın maraqlarından irəli gələn sənədə imza atır.

“Qranadaya səfərin nəticələrini qələbə kimi təqdim etməyə çalışanlara gəlincə demək istərdim ki, Ermənistan diplomatiyası orada heç bir qələbə qazana bilmədi. Bir-iki bənd istisna olmaqla, bu sənəddə Praqa razılaşmaları var ki, bu da istənilən halda, Paşinyanın bütün anti-erməni və zərərli bəyanatlarını kağız üzərində yazmasını müsbət qiymətləndirmək çətindir”.