Türkiyə-Azərbaycan-Gürcüstan parlamentlərarası formatı yenilənəcək
Gürcüstan parlamentinin spikeri Şalva Papuaşvili Türkiyə Böyük Millət Məclisinin sədri Numan Kurtulmuşla görüşüb.
APA-nın Tbilisi müxbiri Gürcüstanın ictimai telekanalına istinadən xəbər verir ki, görüşdə ikitərəfli əlaqələrə, həmçinin regiondakı təhlükəsizlik mühitinə dair müzakirə aparılıb.
Məlumata görə, görüş zamanı parlament sədrləri Türkiyə-Azərbaycan-Gürcüstan üçtərəfli parlamentlərarası əməkdaşlıq formatının yenilənməsi barədə razılığa gəliblər.
Qeyd edək ki, görüş Avropa Parlament Sədrləri Konfransı çərçivəsində Dublində baş tutub.