"Yeni Klinika"da kütləvi işdən çıxarmalara başlanılıb.

Belə ki, cumhuriyyet.az-a daxil olan məlumata görə, TƏBİB-in İdarə heyətinin sədri Vüqar Qurbanovun "Yeni Klinika"ya təyin etdiyi Barat Yusibovun təyinatından sonra klinikada ciddi şəkildə işdən cixarmalar həyata keçirilir.

Məlumat üçün onu da bildirək ki, səhiyyə sistemində peşəkarlığı ilə nüfuz qazanmış C. Paşayevin B. Yusibovla əvəzlənməsi kollektivdə birmənalı qarşılanmayıb. Çünki Barat Yusibovun adı dəfələrlə müxtəlif qalmaqalda hallanıb.

Məsələn, 2021-ci ildə Bakıda fəaliyyət göstərən “EGE Hospital”da əməliyyat olunan Fatimə Əli qızı Xuçinayeva komaya düşüb. Xəstənin qızı Eren Xuçinayeva o zaman mətbuata açıqlamasında bildirmişdi ki, anasının bu vəziyyətə düşməsində “EGE Hospital”ın təsisçisi Barat Yusifov, onun xanımı Gültəkin Yusifova və baş həkim Aqil Ağakişiyev təqsirkardır. Bu ilin martında isə həkim nefroloq Barat Yusubovun səhlənkarlığı ucbatından sevilən aparıcı, pedaqoq Rəna Bayramqızı həyatını itirib. Belə bir şəxsin “Yeni Klinika” kimi tibb müəssisəsinə rəhbər təyin olunması təəccüb doğurmaya bilməz.

Amma ötən ayın əvvəllərində TƏBİB-in direktor vəzifəsini icra edən Cavid Paşayevin müqaviləsinə xitam verildikdən sonra V. Qurbanov "Yeni Klinika"ya öz adamını yerləşdirməyi bacarır.

Klinikada direktor əvəzi işləyən Cavid Paşayev ilə elə də isti münasibətləri olmayan V. Qurbanov direktor vəzifəsini icra edən baş həkim C. Pasayevin müqavilə müddətini uzatmadı.

Eyni zamanda cumhuriyyet.az-a daxil olan məlumata görə B.Yusibovun təyinayindan sonra klinikada hər gün kütləvi işdən cixarmalar olur. İşdən çıxarılan işçilərə isə ərizə yazaraq öz istəkləri ilə işdən çıxmaları ilə bağlı bildiriş edilir. İşçilər də münaqişəyə getməyərək öz ərizələri alinaraq işdən çıxarılır.

İyulun son 20 günündə demək olar ki, əsas şöbə müdirlərinun ərizələri alinaraq işdən çıxarılıb. Yeni rəhbərlik bütün əsas strateji postlara öz adamlarını yerləşdirməyi hədəfləyiblər.

Əslində, B. Yusifovun "Yeni Klinika"ya direktor təyin olunması TƏBİB rəhbəri Vüqar Qurbanovun planının tərkib hissəsidir. Əgər TƏBİB-in direktor təyin etdiyi xəstəxanalarda işçilərin kütləvi işdən çıxarılmasına diqqət yetirsəniz, dərhal həmin direktorların peşəkar, savadlı mütəxəssisləri işdən çıxarıb, onların yerinə savadsız, təcrübəsiz, bəzən tibbi təcrübəsi olmayan adamları təyin etmələrilə qarşılaşacaqsınız. Hər kəs bilir ki, işə götürülən bu tip kadrların özləri və yaxınları etiraf edirlər ki, direktor bizdən rüşvət alıb...

Bəlkə, TƏBİB-in icraçı direktor Vüqar Qurbanovun "Rüşvət almaq üçün əlində lisenziyası var"?! Xalqın bundan xəbəri yoxdur! Yoxsa necə ola bilər ki, ölkə Prezidentinin rüşvətxorluğa qarşı mübarizə apardığı eyni vaxtda TƏBİB-in rəhbəri xəstəxanalara təyin etdiyi direktorlardan RÜŞVƏT ALIR?!

TƏBİB rəhbərliyinin rüşvətlə direktor təyin etdiyi adamlar da verdiyi pulu və əlavə qazanc əldə etmək üçün təcrübəli tibb işçilərini müxtəlif bəhanə ilə işdən çıxarıb, yerlərinə təcrübəsiz, bəzi hallarda tibbi təhsili olması barədə diplomu olmayan, haradansa 6 aylıq saxta arayış almış adamlardan 5-10 min manat rüşvət alıb işə götürürlər...