"Xəzər Universiteti Mövlana Ədəbi-Fəlsəfi Araşdırmalar İnstitutu və Dillər və Ədəbiyyatlar departamentinin təşkilatçılığı ilə sentyabrın 15-də Xəzər Universitetində Türkiyə Cumhuriyyətinin 100 illiyinə həsr olunmuş “Azərbaycandan dünyaya doğan günəş: Şəms və Mövlana” adlı elmi seminar keçirilib. 

Tədbirdə Azərbaycanın və Türkiyənin dövlət himniləri səsləndirilib.

"Paralel.az" xəbər verir ki, seminarda AMEA Şərqşünaslıq İnstitutunun aparıcı elmi işçisi, dosent Səadət Şıxıyeva "Hürufi mətnlərində Mövlananı xatırlatmalar" mövzusunda məruzə edib.

Qeyd edək ki, Azərbaycanlı və Türkiyədən gələn elm adamları tədbirin sonunda səsləndirilən suallar ətrafında müzakirələri yekunlaşdırdıqdan sonra görüş seminarın mövzusu ilə əlaqəli bədii hissə ilə yekunlaşıb.