Mərakeşdə minlərlə insanın həlak olması ilə nəticələnən zəlzələdən əvvəl səmada güclü parıltı görünüb. Sosial şəbəkələrdə bununla bağlı kadrlar yayımlanıb.

Qeyd edək ki, oxşar hadisə Türkiyədə fevral ayında episentri Kahramanmaraş olan təbii fəlakət zamanı da görünmüşdü. Alimlərin fərziyəsinə görə, bu, litosfer plitələrinin hərəkəti nəticəsində olur - bu zaman güclü enerji ayrılır və səmada parlamalar baş verir.

Xatırladaq ki, sentyabrın 8-də Mərakeş şəhərindən 72 kilometr qərbdə 6,9 bal gücündə zəlzələ baş verib. Son məlumata görə, fəlakət nəticəsində ölənlərin sayı 2,5 min nəfərə çatıb.