Hakan Fidan Qazaxıstana səfər edəcək
Türkiyənin xarici işlər naziri Hakan Fidan baş nazirin müavini və xarici işlər naziri Murat Nurtleunun dəvəti ilə sentyabrın 10-11-də Qazaxıstanda rəsmi səfərdə olacaq.
Bu barədə Türkiyə Xarici İşlər Nazirliyi xəbər verib.
Səfər zamanı regional və beynəlxalq vəziyyət, o cümlədən Türkiyə-Qazaxıstan ikitərəfli münasibətlərinin müzakirə olunacağı vurğulanır.
Bu, H.Fidanın Türkiyənin xarici işlər naziri kimi Qazaxıstana ilk səfəri olacaq.