COVID-19-un yeni variantı yayılır
Böyük Britaniyada COVID-19-un Omicron variantının alt variantı olan Erisin (EG.5.1) bütün ölkəyə yayıldığı açıqlanıb.
“Paralel.az ” xəbər verir ki, Böyük Britaniyanın Sağlamlıq Təhlükəsizliyi Agentliyinin (UKHSA) yaydığı məlumata görə, yeni Eris variantı ölkə üzrə hər 7 yeni yoluxmadan birinə təsadüf edir.
Eris Böyük Britaniyada Arcturusdan sonra ikinci ən çox yayılmış variant olaraq qeydə alınıb. Səlahiyyətlilər dünyada COVID-19 hadisələrinin artması davam etdiyi üçün vəziyyəti yaxından izlədiklərini bildiriblər.(Qafqazinfo)