“Bakıya pozitiv nəticə ilə qayıdacağımıza inanıram”.

Paralel.az xəbər verir ki, bunu “Neftçi”nin futbolçusu Eddi İsrafilov Bosniya və Herseqovinanın “Jelezniçar” klubuna qarşı səfərdə keçirəcəkləri UEFA Konfrans Liqasının II təsnifat mərhələsinin ilk oyunundan öncə mətbuat konfransında deyib.

31 yaşlı yarımmüdafiəçi çətin sınağa çıxacaqlarını etiraf edib: “Bizi çox ağır oyun gözləyir. Buna baxmayaraq, öz hədəfimiz var və bunun üçün mübarizə aparacağıq”.

Qeyd edək ki, iyulun 27-də “Qrbavitsa” stadionunda keçiriləcək “Jelezniçar” – “Neftçi” oyunu Bakı vaxtı ilə saat 23:00-da başlayacaq.