Meşə yanğınları nəticəsində 10 min turist təxliyə edildi
Yunanıstanın Rodos adasında beş gündür davam edən meşə yanğınları artıq turistlərin olduğu əraziyə çatıb.
“Paralel.az ” “Haber Global”a istinadən xəbər verir ki, 12 oteldən təxminən 10 min turist təxliyə edilib.
Bundan başqa Yunanıstan ordusuna və Sahil Mühafizəsinə aid 3 qayıqla çox sayda turist 2 çimərlikdən təhlükəsiz yerə aparılıb.
Güclü külək və yüksək temperatur yanğınsöndürənlərin meşə yanğınlarının qarşısını almağa mane olur.