Qırğızıstanın Kiyevdəki səfiri İdris Kadırkulov Rusiyanın sanksiyalardan yayınmasına göstərdiyi köməyə görə Ukrayna Xarici İşlər Nazirliyinə çağırılıb.

Paralel.az xəbər verir ki, bununla bağlı Xarici İşlər Nazirliyinin müvafiq şərhi dərc olunub.

Diplomata bildirilib ki, Qırğızıstan dünya birliyinin üzvü kimi Rusiyaya qarşı beynəlxalq sanksiya siyasətinə əməl etməlidir.

O da vurğulanıb ki, hərbi texnikanın təchiz edilməsi üçün istifadə oluna bilən malların Qırğızıstan ərazisindən Rusiyaya ixracı Ukrayna tərəfindən təcavüzkar müharibəyə dəstək məqsədi daşıyan qeyri-dost hərəkət kimi qiymətləndiriləcək.