Ermənistanın baş naziri Nikol Paşinyanla Azərbaycan prezidenti İlham Əliyev arasında Avropa İttifaqı Şurasının prezidenti Şarl Mişelin iştirakı ilə Brüssel danışıqları ilə bağlı erməni siyasi müşahidəçi Qraçya Qalustyanın sensasion bəyanatlar verib.

Paralel.az xəbər verir ki, onun sözlərinə görə, Ermənistan təslim olma aktını imzalayır və bu danışıqları başqa cür adlandırmaq olmaz.

“Brüssel formatı Ermənistan üçün deyil, Azərbaycan üçün sərfəlidir. Bu formatda keçirilən bütün əvvəlki görüşlər bunun əyani təsdiqidir. Hökumətimiz (Ermənistan) öz diplomatik məğlubiyyətlərinin faktlarını ümidsizcəsinə inkar etməyə çalışırdı. Azərbaycan məbədimizə silah gətirib "rus ruleti" oynayır...”, - Qalustyan bildirib.

O, daha sonra Zəngəzur dəhlizinin reallaşacağını ifadə edib: “Bizə dedilər ki, “Zəngəzur dəhlizi” Azərbaycanın arzusu olaraq qalacaq... Bizi əmin etdilər ki, belə bir şey yaxın ola bilməz, Azərbaycanın “dəhliz məntiqi” qəbuledilməzdir. Bəs həqiqətən nə baş verir? Bu danışıqlar zamanı Paşinyan və Əliyev xüsusilə Azərbaycanın qərb rayonları ilə Naxçıvan arasında dəhliz məsələsini müzakirə ediblər”.