Polşa səfiri Rusiya XİN-ə çağırıldı
Polşanın Rusiyadakı səfiri Kşiştof Kraevski Rusiya Xarici İşlər Nazirliyinə (XİN) çağırılıb.
Axar.az xəbər verir ki, bu barədə Rusiya Xarici İşlər Nazirliyi məlumat yayıb.
Polşanın Smolenskdəki konsulluğunun bağlanması ilə bağlı nota səfirə təqdim edilib.
Qeyd olunub ki, Polşanın Rusiyaya qarşı yönəlmiş düşmənçilik addımlarının heç biri cavabsız qalmayacaq.
Konsulluğun bağlanmasının dəqiq səbəbi açıqlanmayıb.