“Milla Dairy” MMC-yə bağlı şirkət ləğv olunur.

“Paralel.az ”ın məlumatına görə, “Beverage Services” MMC ləğv olunur.

Qeyd edək ki, “Beverage Services” MMC 10.08.2020 tarixində dövlət qeydiyyatına alınıb və nizamnamə kapitalı 13,157 milyon manatdır. Şirkətin qanuni təmsilçisi “Milla” markası ilə süd məhsulları bazarında fəaliyyət göstərən “Milla Dairy” MMC-nin qanuni təmsilçisi və baş icraçı direktoru Azər Vahab Zadə Adil oğludur.

Qeyd edək ki, “Milla” məhsullarının istehsalçısı “AZ FP CO LTD” MMC bu il adını dəyişərək “Milla Dairy” MMC-yə çevrildiyini açıqlamışdı. Milla Dairy” MMC-nin nizamnamə kapitalı isə 69,668 mln manatdır.

Könül
Paralel.az