Cari tədris ilinin yaz sessiyasında təhsil tələbə krediti (TTK) almaq üçün müraciət edənlərin statistikası açıqlanıb.

“Paralel.az ” xəbər verir ki, bu barədə Təhsil Tələbə Krediti Fondu feysbuk hesabında paylaşım edib.

Bildirilib ki, bu günə qədər 7632 tələbə kredit almaq üçün müraciət edib.

Onlardan 172 nəfərin müraciəti natamam olub, 122 nəfərin müraciəti emal mərhələsindədir.

Habelə 677 nəfərin müraciətinə imtina cavabı verilib, 144 nəfərin müraciəti isə banka yönləndirilib.

Yaz sessiyası üzrə 6517 nəfərə TTK verilib. Onların arasından 2273 nəfərin müraciəti sosial TTK, 4244 nəfərin müraciəti isə standart TTK olaraq rəsmiləşdirilib.