Borel Ukraynaya tədarük olunmuş mərminin həcmini açıqladı
Avropa İttifaqı aprel ayından Ukraynaya 900 milyon avro dəyərində mərmi tədarük edib.
“Paralel.az ” xəbər verir ki, bunu Avropa İttifaqının xarici siyasət və təhlükəsizlik məsələləri üzrə ali nümayəndəsi Jozep Borel deyib.
O bildirib ki, qurum Ukraynaya göndərmək məqsədilə iyulun sonuna qədər yeni sursat istehsalı üçün müqavilələr bağlayacaq.
“Bu, mövcud ehtiyatlardan sursat tədarükü planımızın birinci hissəsidir, iyulun sonuna kimi biz Avropa Müdafiə Agentliyi tərəfindən təşkil edilən yeni sursatların birgə alınması üçün sənaye ilə müqavilələr imzalayacağıq”.