Avropa Polis Təşkilatı (EUROPOL) PKK terror təşkilatının Avropada çox aktiv fəaliyyət göstərməsi barədə xəbərdarlıq edib.

Paralel.az “Hürriyet”ə istinadla xəbər verir ki, EUROPOL həmçinin PKK-nın üzv dövlətlərdən inzibati və maliyyə bazası olaraq istifadə etdiyini bildirib.

EUROPOL-un “Terror Vəziyyəti və Meyillilik” hesabatında (TE-SAT) PKK-nın Avropa İttifaqı (Aİ) dövlətlərini, işçi toplama, inzibati və maliyyə bazası olaraq istifadə etdiyi vurğulanıb.

Sənəddə qeyd edilib ki, PKK-nın qeyri-qanuni maliyyə mənbələri arasında narkotik qaçaqmalçılığı və Aİ-də həyata keçirilən dələduzluq halları yer alır.

Bununla yanaşı, hesabatda terror qruplaşmasının Avropadakı fəaliyyətində əsas məqsədin İraq, Suriya və Türkiyədəki əməliyyatları dəstəkləmək olduğu da öz əksini tapıb.

Məhəmməd Allahyarlı (təcrübəçi)