ABŞ-ın keçmiş prezidenti Donald Tramp məxfi dövlət sənədlərinin gizlədilməsi işi üzrə Mayamidə məhkəmə qarşısına çıxacaq.

“Paralel.az ” xəbər verir ki, bu barədə “Associated Press” məlumat yayıb.

Trampın özü bu ittihamların siyasi motivli olduğunu və seçki yarışındakı rəqiblərinin bunsuz 2024-cü ildə ABŞ-da keçiriləcək prezident seçkilərində vicdanla qalib gələ bilməyəcəklərini bildirib.

Çərşənbə axşamı keçmiş prezident və 2024-cü ildə Respublikaçılar Partiyasından namizəd olacaq Trampın tərəfdarlarının avtobuslarla onu dəstəkləmək üçün Mayamiyə gələcəkləri gözlənilir. Şəhər meri Frensis Suares bildirib ki, şəhər aksiyalara hazır olacaq. Mayami polis rəisi Manuel Morales hesab edir ki, nümayişdə bir neçə mindən 50 minə qədər amerikalı iştirak edə bilər.