Türkiyədə hakimiyyətə əsas rəqib hesab edilən “altılı masa”nın  “Millət ittifaqı” blokunda deputatlığa namizədlər siyahısı üstündə dava düşüb.

“Paralel.az ” xəbər verir ki, bu barədə “Star” yazır.

Mayın 14-də keçiriləcək seçkilərdə deputatlığa namizədlərin vahid siyahısının tərtibi zamanı müxalifət blokunun nümayəndələri arasında dava düşüb.

CHP qərargahında bloka daxil olan DEVA, Gələcək, Səadət Partiyası və DP-nin namizəd siyahısının müəyyənləşdirilməsi zamanı gərginlik pik həddə çatıb. 18 saat davam edən iclasda CHP-nin YSK-ya təqdim etdiyi deputat siyahısında Səadət Partiyasına 24, DEVA-ya 20, Demokrat Partiyasına 3, Gələcək partiyasına isə 15 kvota ayrılıb.

Bu siyahının açıqlanması, partiya daxilində ciddi narazılığa səbəb olub. Gərginliyin yaranması səbəbindən iclasın vaxtı 4 dəfə dəyişdirilib.

CHP Məclis üzvləri “biz canımızı partiyaya verdik, kim bu siyahını müəyyən etdisə, getsin yerlərdə də işləsin”, - deyə etiraz ediblər. Siyahıda adı yer almayanların ciddi narazılığı davaya yol açıb. Dava o qədər böyüyüb ki, vəziyyəti sakitləşdirmək üçün Kılıçdaroğlunun mühafizəçiləri müdaxilə etməli olub. 

“Star”ın yazdığına görə, İmamoğlu və Kaftancıoğluna yaxın adlar siyahılara daxil edilməyib.