Birləşmiş Ştatların ticarət katibinin qlobal bazarlar üzrə köməkçisi Arun Venkataraman ABŞ-Azərbaycan ticarət və investisiyanın daha da gücləndirilməsi üçün çalışdığını bildirib.

Bu barədə “Paralel.az”a ABŞ-ın Azərbaycandakı Səfirliyindən bildirilib.

ABŞ-ın ticarət katibinin qlobal bazarlar üzrə köməkçisi Amerika Ticarət Palatasının üzvləri olan şirkətlər ilə görüş zamanı onların Azərbaycana dair artan marağı barədə məlumat alıb. O, Birləşmiş Ştatların xarici siyasətinin əsas iqtisadi təşəbbüslərini vurğulayıb və Ticarət Xidmətinin Amerika şirkətlərinə Azərbaycan barədə məlumatların verilməsi və ABŞ-Azərbaycan ticarət və investisiyanın gücləndirilməsi üçün çalışdığını bildirib.