Vahid Qazi öz "Facebook" səhifəsində ömür pillələrini təsvir edən, fərqli yaşlarında çəkilmiş maraqlı şəkillər paylaşıb. 

"Paralel.az" həmin paylaşımı təqdim edir.

"Bu güzgüdən üzümə
Neçə cür üzlər baxıb.
İlahi, o üzlərin
Hansı mənimdi axı?"

İnşa yazılarından çox vaxt 5/5 alırdım. Biri qramatikaya, biri də məzmuna görə verilirdi. 55-i haqlayanda adamın ağlına qəribə fikir gəlir – istəyir elə ömür yazısından da 5/5 ala. Birini səhvsiz, o birini məzmunlu ömür yaşadığına görə verələr. Amma olurmu ömürbillah səhvsiz, hələ üstəlik mənalı ömür sürmək? Bütöv ömrü demirəm, heç olmasa bircə döngəsini? Olursa, ömrün hansı çağı-döngəsidir o? Bilsəydi, şair Tanrısına yuxarıdakı sualı verərdimi?

Təbrik yazan, zəng edən qohumlar, dostlar, dünya sizinlə gözəldir, ömür anlamını sizdən alır. 5/5-lik ömür arzusuyla mən də sizin Novruz bayramınızı təbrik edirəm. Çox sağ olun!