Qədim karvansaranın qalıqları tapıldı – FOTO
Dərbənd Muzey-Qoruğunun əməkdaşları şəhərin mərkəzindəki Köhnə bazar meydanında yaşayış binalarının altında qədim tikilinin qalıqlarını aşkar ediblər.
"Paralel.az" xəbər verir ki, bu barədə muzeyin “Telegram” kanalında məlumat verilib.
İlkin hesablamalara görə, bunlar 17-ci əsrə aid qədim karvansaranın qalıqlarıdır. Məlumata görə, Dərbəndin köhnə rəsmlərində (Adam Olearius 1638, Eyxvald 1825) bu yerdə böyük kvadrat şəkilli karvansara aydın görünür. Məlumdur ki, 17-ci əsrdə şəhərin bazar meydanına baxan üç karvansara olub.
Bildirilir ki, hazırda karvansaranın yalnız yeraltı hissəsi aşkar edilib.
Muzey-qoruq müəyyən edilmiş obyekti qeydiyyata salmaq və əlavə ekspertiza aparmaq üçün Dağıstan Respublikasının Mədəni İrsin Mühafizəsi Agentliyinə sorğu göndərəcək.
