SOCAR “Azəriqaz” İB-nin bölgələrdə keçirdiyi “Açıq mikrofon” aksiyası Quba rayonunda baş tutub.

Nizami Adıgözəlovla Vəlyəddin Məmmədov aksiyaya ayrı-ayrı kəndlərdən qatılsalar da, istəkləri bir olub. Onlar müvafiq olaraq Bad və İdrisiqışlaq kəndlərinin qazlaşdırılmasını xahiş ediblər.

"Paralel.az" xəbər verir ki, səslənən müraciətlərdən 4-ü debitor borcla bağlı olub ki, həmin abonentlər də buna yenidən baxılmasını istəyiblər.

Qalan digər müraciətlər isə fərdi yaşayış evlərinin və yeni yaşayış massivinin qazlaşdırılmasını əhatə edib.

Hər bir müraciət Xaçmaz RQİİ-nin rəhbər şəxsləri tərəfindən dinlənildikdən sonra qeydə alınaraq həlli istiqamətində müvafiq tapşırıqlar verilib.