Sabunçuda qaz balonunun alışması nəticəsində ev sahibi yanıq xəsarətləri alıb
Bakı şəhəri, Sabunçu rayonunda qaz balonunun alışması nəticəsində 52 yaşlı qadın yanıq xəsarətləri alıb.
"Report" xəbər verir ki, yanvarın 18-də Sabunçu rayonunun M.Hüseynzadə küçəsində fərdi evinin mətbəx otağında qaz balonunun alışması nəticəsində yanğın hadisəsi baş verib.
Hadisə nəticəsində ev sahibi 1971-ci il təvəllüdlü Nailə Bǝdirxanova qaz balonunu kənara atmaq istəyən zaman əl və ayaq nahiyəsindən yanıq xəsarətləri alıb.
Faktla bağlı araşdırma aparılır.