Müğənni Rəqsanə İsmayılova iyulun 25-də oğlu Məhəmmədə kiçik toy edəcək.

"Paralel.az" Axşam.az-a istinadən xəbər verir ki, sənətçi toyda media nümayəndələrinin çəkiliş aparmasına icazə verməyəcək. Bu barədə R.İsmayılova sosial şəbəkə hesabında açdığı canlı yayımda deyib:

"Övladımın toyunda mətbuatı məclisə buraxmayacağam və qonaqlarımın da hamısına xəbərdarlıq edəcəyəm. Bu fikri heç kimdən götürməmişəm, özüm də buna qarşı deyiləm. Sadəcə elə qonaqlarımız var ki, məclisə gəlməyə çəkinirlər. Hamısı iş, dövlət adamlarıdır. Deyirlər ki, niyə övladlarımızı çəkib, sosial şəbəkələrdə paylaşmalıdırlar?".