Səfərbərlik və Hərbi Xidmətə Çağırış Üzrə Dövlət Xidmətinin SHXÇDX-nin Masallı rayon şöbəsinin rəisi, polkovnik-leytenant Vəli Rzayevin Türkiyədə dəyəri çox baha olan mülkləri barədə məlumat yayılıb.

Paralel.az xəbər verir ki, təxminən 3-4 ay öncə Vəli Rzayev ailə üzvlərinin təkidi ilə bu addımı atmalı olub: “Əslində Vəli Rzayev belə bir işin olmasını istəmirdi. O, bu xəbərin nə vaxtsa yuxarılara çatacağından ehtiyatlanırdı. Çox geniş imkanının olmasını kimsənin bilməsini istəmirdi. Ancaq ailə üzvləri “biz müxtlif ölkələrdə geniş mal-mülk sahibi olanlardan əskiyik bəyəm? Onlara olar bizə yox?”- deyərək Vəli Rzayevi məcbur ediblər. O da Türkiyədə mülk alaraq, onu yaxın qohumlarının birinin adına rəsmiləşdirib”.

Əməkdaşımız qarşı tərəfin mövqeyini öyrənmək üçün Səfərbərlik və Hərbi Xidmətə Çağırış üzrə Dövlət Xidmətinin SHXÇDX-nin Masallı rayon şöbəsində olub. Vəli Rzayev barəsində deyilənlərə münasibət bildirmək istəməyib. O, deyib ki, “bütün məlumatları xidmətin rəsmi internet saytından əldə edə bilərsiz.”
Vəli Rzayev, bizə maraqlıdır ki, sizin əmlaklarınız və qeyri-rəsmi gəlirləriniz barədə həmin saytda məlumat var? Niyə özünüzü belə gülünc vəziyyətə qoyursuz?

Məsələ ilə bağlı qarşı tərəfin mövqeyini verməyə hazırıq. Mənbə:Turantv.az