Gənc  kadrların  “bariz nümunəsi” olan  Ağstafa RİH-nin başçısı Seymur Orucovun fəaliyyəti artıq  nəinki mediada, hətta yüksək rəhbərlik səviyyəsində müzakirə olunur.
“Narxoz”un sabiq rektoru, keçmiş millət vəkili  Şəmsəddin Hacıyevin kürəkəni, “Profsoyuz”un sədri, millət vəkili  Səttar Mehbalıyevin bacısı oğlu olan bu cavan icra başçısının, ümumiyyətlə,  kadr siyasətindən başı çıxmır.
Birincisi, Bakıda  doğulub-böyümüş  bu cavan icra başçısı rayonu tanımır. Və köhnə kadrlarla işləməyə məcbur olur. Köhnələr isə  kimi gəldi təzə icra başçısına  sırıyırlar.
Paralel.az bildirir ki, icra başçısına  sırınan yeni kadrlardan biri də  RİH-də uzun illər təhsil, səhiyyə, uşaq bağçalarını "ziyarət edən", dövlət təşkilatlarına işə adam düzəldən Əziz Məsmalıyevdir.
Bəli,  Əziz Məsmaliyev  rayonda “işverən”, yəni  vəzifələrə adam  düzəltməklə pul qazanan şəxs kimi tanınıb.
Bu adam idman yarışları adı altında  nə qədər dövlət vəsaitini mənimsəyib.
Deməli,  Seymur Orucov icra başçsıı olan kimi İdman İdarəsinin rəisini Statistika idarəsinə müdir göndərdi, Su idarəsinin müdirini harasa…
Bir soruşan olmadı ki, ay adam, idman hara, statistika  hara..?
Beləcə,  Seymur Orucova  yaxınlığı sayəsində  Əziz Məsmaliyev  Ağstafada  idmanı “çiçəkləndirir”.
Və  “ölü canlar”dan  idmançı hazırlayır. İdmançılara saxta “komandirovka”   yazıb pulları silir.
Sözün qısası, Seymur Orucovla Əziz Məsmaliyev əl-ələ verib Ağstafada idmanı inkişaf etdirirlər.

P.S Qarşı tərəfin mövqeyini dərc etməyə hazırıq.

(Mənbə: Gundemxeber.az)