Əflatun Amaşovun bacısı oğlu həbs olundu – Səmədin Əli Həsənovun oğlu ilə hansı əlaqəsi olub?
Bakı Mühəndislik Universitetinin təsərrüfat şöbəsinin müdiri Eldar Səmədovun oğlu Səməd Səmədov dələduzluq üstündə həbs olunub.
Səməd Səmədov Nərimanov rayon polis əməkdaşları tərəfindən saxlanılaraq məhkəməyə gətirilib.
Məhkəmənin qərarı ilə Səməd Səmədov AR Cinayət Məcəlləsinin 178.3.2 (külli miqdarda ziyan vurmaqla dələduzluq) maddəsi ilə 7 il 6 ay müddətinə azadlıqdan məhrum edilib.
Qeyd edək ki, Səməd Səmədov Azərbaycan Mətbuat Şurasının sədri Əflatun Amaşovun bacısı oğludur. Səməd Səmədov Prezident Administrasiyasının keçmiş şöbə müdiri Əli Həsənovun oğlu Şamxal Həsənli Xəzər TV-yə rəhbərlik edən dövrdə bu telekanalda da çalışıb.
Mətbuat Şurasının sədri Əflatun Amaşov məsələdən xəbərsiz olduğunu deyib: "Mən belə bir şeyi ilk dəfədir ki, sizdən eşidirəm. Qətiyyət belə bir şey yoxdur".
Paralel.az