Paralel.az xəbər verir ki, iPhone SE smartfonunun növbəti nəsli mart ayında təqdim oluna bilər: “Bu barədə Mark Qurman “Bloomberg” üçün köşə yazısında  yazır.
Mart ayında keçiriləcək Apple tədbirinin əsas yeniliyi iPhone SE-nin üçüncü nəsli olacaq. Cupertino-dan ən sərfəli smartfon müasir içlik və yenidən işlənmiş dizayn alacaq.
Təqdimatın digər məqamlarına iPad Air planşetinin növbəti nəsli və yeni Apple M prosessoru ilə yenilənmiş Mac Mini daxildir. Bundan əlavə, tədbirdən dərhal sonra iOS 15.4 yeniləməsi ictimaiyyətə təqdim ediləcək.
Apple-ın 2022-ci ilin ilk tədbiri martın 9-da keçirilə bilər. Bununla belə, mənbənin vurğuladığı kimi, istehsal gecikmələri səbəbindən onun vaxtı dəyişdirilə bilər”.
Nigar