Peskov bildirib ki, COVID-19 səbəbilə Rusiyada karantin rejimi müzakirə olunmur

Paralel.az xəbər verir, Rusiyada COVID-19 ilə bağlı vəziyyətə görə karantin müzakirə edilmir. TASS yazır ki, bu suala Kremlin sözçüsü Dmitri Peskov belə cavab verib.

Onun sözlərinə görə, fərdi məhdudiyyətlərin tətbiqi xüsusi səlahiyyətlərə malik olan subyektlərin rəhbərlərinin qərarından asılıdır. Prezidentin sözçüsü bildirib ki, regiondan regiona koronavirusla bağlı vəziyyət dəyişə bilər.

O, vurğulayıb ki, qubernatorlar öz səlahiyyətlərini səmərəli şəkildə həyata keçirirlər, çünki COVID-19 ilə bağlı vəziyyət omikronun xüsusiyyətlərinə görə dəyişir.

Bir müddət əvvəl Dövlət Dumasının Vahid Rusiya partiyasından olan deputatı Maksim İvanov öz Facebook səhifəsində yazıb ki, ölkə hökuməti guya koronavirusa qarşı pullu peyvənd etməyi planlaşdırır. Kremlin sözçüsü Dmitri Peskov isə öz növbəsində bu məlumatı təkzib edib.
Akif Nəsirli