Paralel.az xəbər verir ki, Tatarıstan Müsəlmanları Ruhani İdarəsi xüsusi hazırlanmış “Kazan Basma” şriftində yazılmış Quranın xüsusi versiyasını nəşr edəcək.

Xəbərə görə, dizayn yazı tipi olan “Kazan Basma” orijinal tipoqrafik çap əsasında yaradılıb. Bu yazı tipi “Basma Kazan”ın orijinal tarixi görünüşünü qoruyan müasir kompüter simvollarından istifadə edərək, yeni bir Quranın nəşrinə imkan verəcək.

“Kazan Basma” müsəlmanlar tərəfindən nəşr olunan ilk çap olunmuş Qurandır. O, 1803 -cü ildə Kazanda Asiya mətbəəsində nəşr edilib. Nəşr üçün bənzərsiz bir şrift hazırlanması sayəsində Kazan Quranı dünya şöhrəti qazanıb.

“Kazan Basma”sı dəfələrlə nəşr olunsa da, alimlər nəşrdəki səhvlər haqqında mübahisə edirdilər. 1909-cu ildə çatışmazlıqların təhlili və Əhmədhadi Maqsudi, Şeyxülislam Hamidi, Musa Bağıyev və başqa tatar ilahiyyatçıları da daxil olmaqla, “Kazan Basma”nın yenidən çap edilməsi üçün Kazanda 300 müsəlman alimdən ibarət yığıncaq keçirilib. Lakin o, 1917-ci il inqilabı səbəbindən yenidən çap olunmayıb. Yalnız 112

il sonra, eyniadlı dizayn yazı tipindən istifadə edilərək yenidən “Kazan Basma” hazırlanıb.

Yeni “Kazan Basma”nın mətnləri yoxlanılıb və onun elektron mənbələri Tatarıstan müftisi Kamil Samiqullinə təhvil verilib. Hazırda Tatarıstan Müsəlmanları Ruhani İdarəsindən “Kazan Basma”nın yenilənmiş nəşrinin elektron versiyasının pulsuz bir mobil tətbiq olaraq və Rusiya Müsəlmanlarının müxtəlif regional mənəvi idarələrinin istifadəsinə verilməsi planlaşdırılır.

Nigar